1 րոպեի ընթերցում
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: Հայաստանի ֆուտբոլի առաջնության մեկնարկից առաջ թիմերը շարունակում են ընկերական խաղերի միջոցով նախապատրաստվել Պրեմիեր լիգային:
«Արմենպրես»-ի հաղորդմամբ` Երևանի «Ալաշկերտ»-ը հերթական ընկերական հանդիպումն անցկացրեց` մրցելով ԲԿՄԱ-ի հետ: Հանդիպումն ավարտվել է զրոյական ոչ-ոքի հաշվով:
Հայաստանի ֆուտբոլի առաջնությունը կմեկնարկի հուլիսի 29-ին: Մրցաշարի անդրանիկ տուրում կկայանան հետևյալ հանդիպումները` «Լեռնային Արցախ»-«Վան», «Նոա»-«Ալաշկերտ», «Փյունիկ»-«Արարատ», ԲԿՄԱ-«Շիրակ» և «Ուրարտու»-«Արարատ-Արմենիա»: