Երևանի Գևորգ Հովսեփյան փողոցում ավտոմեքենան բախվել է էլեկտրական սյանը և գազատար խողովակին

ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Ճգնաժամային կառավարման ազգային կենտրոնը հունիսի 6-ին, ժամը 13։19-ին ահազանգ է ստացել, որ Երևանի Գևորգ Հովսեփյան 6 հասցեի մոտակայքում տեղի է ունեցել ՃՏՊ․ ավտոմեքենան բախվել է գազատար խողովակին։

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ փրկարար ծառայության Երևան քաղաքի փրկարարական վարչության հրշեջ-փրկարարական ջոկատի մեկ մարտական հաշվարկ։

Ըստ աղբյուրի՝ պարզվել է, որ «Ford» մակնիշի ավտոմեքենան (վարորդ՝ Ռ․ Ա․, ծնված 2000 թ․) բախվել է մոտակայքում գտնվող էլեկտրական սյանը և գազատար խողովակին։

Նշվում է, որ փրկարարները հոսանքազրկել են «Ford» մակնիշի ավտոմեքենան և իրականացրել հերթապահություն։