1 րոպեի ընթերցում
ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Գերմանիան հուլիս ամսին 15 «Գեպարդ» տեսակի զրահատեխնիկա կմատակարարի Ուկրաինա: «Արմենպրես»-ի փոխանցմամբ՝ ինչպես հայտնում է Reuters-ը, այս մասին Բեռլինում ասել է պաշտպանության նախարարության խոսնակը:
Գերմանիայի պաշտպանության նախարար Քրիստին Լամբրեխտը այս մասին համաձայնություն է ձեռք բերել իր ուկրաինացի գործընկեր Օլեքսի Ռեզնիկովի հետ տեսակապով երկխոսության ընթացքում:
Գերմանիան ապրիլի վերջին էր հայտարարել, որ առաջին անգամ Կիևին կմատակարարի ծանր սպառազինություն, այդ թվում՝ «Գեպարդ»: