368.59
Բորիս Ջոնսոնը դժվարությամբ է պատկերացնում Վլադիմիր Պուտինի հետ հարաբերությունների կարգավորումը
1 րոպեի ընթերցում
ԵՐԵՎԱՆ, 12 ՄԱՅԻՍԻ, ԱՐՄԵՆՊՐԵՍ: Մեծ Բրիտանիայի վարչապետ Բորիս Ջոնսոնը հայտարարել է, որ դժվարությամբ է պատկերացնում Ռուսաստանի նախագահ Վլադիմիր Պուտինի հետ հարաբերությունների կարգավորումը: Ինչպես տեղեկացնում է «Արմենպրես»-ը, վկայակոչելով «ՌԻԱ Նովոստի»-ին, Ջոնսոնը այս մասին հայտարարել է Ֆինլանդիա կատարած այցի ժամանակ:
«Կարծում եմ, ամեն ինչ հնարավոր է, բայց ես ուղղակի չեմ պատկերացնում, թե ինչպես կարող ենք կարգավորել հարաբերությունները Պուտինի հետ», - հայտարարել է Ջոնսոնը:
Նա նշել է, որ աշխարհը բաց է մնացել բանակցությունների համար, սակայն Ռուսաստանի նախագահը «դա օգտագործել է Ուկրաինայում դանակ պտտելու համար»:
Ջոնսոնի կարծիքով՝ Կիևի և Մոսկվայի միջև հարաբերությունների որևէ կարգավորում ներկա իրավիճակում չի կարող լինել:
Կարդացեք հոդվածը` Русский
Բաժանորդագրվեք մեր ալիքին Telegram-ում