1 րոպեի ընթերցում
ԵՐԵՎԱՆ, 30 ԱՊՐԻԼԻ, ԱՐՄԵՆՊՐԵՍ: Վատիկանի պետքարտուղար կարդինալ Պիետրո Պարոլինը հայտնել է, որ Հռոմի Ֆրանցիսկոս պապը կցանկանար առաքելական այց կատարել Ուկրաինա, սակայն ներկա իրավիճակում նման այցը իմաստ չի ունենա: «Արմենպրես»-ի հաղորդմամբ՝ այս մասին հայտնում է «ՌԻԱ Նովոստի»-ն:
Նրա խոսքով՝ Ոկրաինա առաքելական այց կատարելու ցանկությունը վառ է մնում Ֆրանցիսկոս պապի սրտում:
«Սակայն դրա իրականացումը պայմանավորված է երկրում իրավիճակի իրական բարելավմանը նպաստելու հնարավորությամբ: Ինչպես ինքն է բացատրել՝ այցն իմաստ չի ունենա, եթե հաջորդ օրը նախկինի պես պատերազմը վերսկսվի»,-ասել է պետքարտուղարը La Stampa թերթում հրապարակված հարցազրույցում։
Պետքարտուղարը նաև ընդգծել է, որ Հռոմի պապը պատրաստ է անել ամեն ինչ, որպեսզի նպաստի Ուկրաինայի հակամարտության շուտափույթ ավարտին: