Թուրքիայի նախագահ Ռեջեփ Թայիփ Էրդողանը Սաուդյան Արաբիայում է
1 րոպեի ընթերցում
![Թուրքիայի նախագահ Ռեջեփ Թայիփ Էրդողանը Սաուդյան Արաբիայում է](http://armenpress.am/resized/480/static/news/b/2022/04/1081957.jpg)
ԵՐԵՎԱՆ, 29 ԱՊՐԻԼԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը Սաուդյան Արաբիայի թագավորի հրավերով երկօրյա պաշտոնական այցով մեկնել է Սաուդյան Արաբիա:
Այս մասին, ինչպես հաղորդում է «Արմենպրես»-ը, հայտնում է թուրքական Hurriyet-ը:
Ռեջեփ Թայիփ Էրդողանը Սաուդյան Արաբիայի թագավոր Սալման բեն Աբդուլ Ազիզ Ալ Սաուդի հրավերով ժամանել է Սաուդյան Արաբիայի Ջիդդա քաղաք։
Էրդողանը Սաուդյան Արաբիայի Ջիդդա քաղաքում հանդիպել է թագավոր Սալման բեն Աբդուլ Ազիզի և Սաուդյան Արաբիայի թագաժառանգ Մուհամմեդ բեն Սալմանի հետ։
Հանդիպման վերաբերյալ հայտարարություններ անելով՝ նախագահ Էրդողանն ասել է. «Որպես պատմական, մշակութային և մարդկային կապեր ունեցող երկու եղբայրական երկրներ՝ մենք ջանքեր ենք գործադրում մեր միջև բոլոր տեսակի քաղաքական, ռազմական և տնտեսական հարաբերությունները խթանելու և նոր դարաշրջան սկսելու համար»։