1 րոպեի ընթերցում
ԵՐԵՎԱՆ, 2 ԱՊՐԻԼԻ, ԱՐՄԵՆՊՐԵՍ: Հռոմի Ֆրանցիսկոս պապը ստիպված է եղել վերելակ օգտագործել՝ նստելու ինքնաթիռ և երկօրյա այցով մեկնելու Մալթա: Վատիկանի խոսնակ Մաթեո Բրունին տեղեկացրել է, որ նման քայլը նպատակ է ունեցել «խուսափել անհարկի ցավից»: «Արմենպրես»-ի հաղորդմամբ, այս մասին հայտնում է Reuters-ը:
Սա Հռոմի Ֆրանցիսկոս պապի՝ 36 արտասահմանյան այցերի ընթացում առաջին դեպքն է, երբ նա չի կարողանում ինքնուրույն բարձրանալ ինքնաթիռ: 85-ամյա պապը տառապում է ռադիկուլիտից:
Փետրվարին նա ստիպված էր եղել չեղարկել այցը Ֆլորենցիա՝ ծնկի ցավի պատճառով: