1 րոպեի ընթերցում
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Հայաստանի Հանրապետության տարածքում փետրվարի 12-ի ցերեկը, 13-ին, 15-17-ը սպասվում է առանց տեղումների եղանակ: Փետրվարի 14-ի ցերեկն առանձին շրջաններում սպասվում են տեղումներ և մառախուղ:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, քամին՝ հարավ-արևմտյան՝ 2-5 մ/վ: Փետրվարի 13-ին առանձին շրջաններում սպասվում է քամու ուժգնացում՝ 18-23 մ/վ:
Օդի ջերմաստիճանը փետրվարի 12-13-ի ցերեկն աստիճանաբար կբարձրանա 3-5 աստիճանով:
Երևանում փետրվարի 12-ի ցերեկը, 13-17-ը սպասվում է առանց տեղումների եղանակ: