Հրշեջները մարել են Էջմիածնում բռնկված հրդեհը

ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Արմավիրի մարզային ճգնաժամային կառավարման կենտրոնը հունվարի 24-ին, ժամը 10:44-ինահազանգ է ստացել, որ Էջմիածին քաղաքի Շահումյան փողոցում այրվում է չշահագործվող շինության տանիք:

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Ըստ աղբյուրի՝ հրդեհը մեկուսացվել է ժամը 11:40-ին, մարվել՝ 17:07-ին: Այրվել են չշահագործվող շինության տանիքը և առաստաղը (մոտ 200 քմ):