1 րոպեի ընթերցում
ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Լոռու մարզային ճգնաժամային կառավարման կենտրոնը դեկտեմբերի 16-ին, ժամը 14։34-ինահազանգ է ստացել, որ Գյուլագարակ համայնքում այրվում է չբնակեցված տնակ։
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Ըստ աղբյուրի՝ պարզվել է, որ հրդեհը բռնկվել է համայնքի 6-րդ փողոցում գտնվող տնակում։
Նշվում է, որ հրդեհը մեկուսացվել է ժամը 14։56-ին, մարվել՝ 15։55-ին։ Այրվել են տնակի փայտե կառուցատարրերը՝ մոտ 21 քմ։