1 րոպեի ընթերցում
ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Երևանի թիվ 1/20 ընտրատեղամասում ժամը 10:00-ի դրությամբ քվերակել է շուրջ 200 քաղաքացի:
«Արմենպրես»-ի հաղորդմամբ՝ այս մասին լրագրողների հետ զրույցում ասաց ընտրատեղամասի նախագահ Սարգիս Մազմանյանը:
«Մինչ այս պահը խնդիրներ չեն առաջացել ընտրակարգի հետ կապված, հիմնականում բոլորը տեղյակ են կարգին, սահուն ընթանում է: Քվեաթերթիկների վրա չկա ոչ մի ավելորդ նշում, բնականոն հունով ամեն ինչ գնում է: Մեզ մոտ ունենք զինծառայողների ցուցակ, տարածքի բնակիչների հիմնական ցուցակ և բուժհաստատությունների ցուցակ՝ շրջիկ արկղով: Մեր ընտրատեղամասում 3 ցուցակը միասին գրանցված է 2100 ընտրող, արդեն մոտ 200-ը տվել է իր քվեն»,- նշեց Մազմանյանը և հույս հայտնեց, որ մինչև վերջ խնդիրներ չեն լինի:
Ժամկետային զինծառայողներն արդեն կատարել են իրենց ընտրությունը և վերադարձել զորամաս, բուժաշխատողների մի մասն է գնացել ընտրատեղամաս:
Ընտրություններին մասնակցում է 25 քաղաքական ուժ՝ 21 կուսակցություն և 4 դաշինք: