1 րոպեի ընթերցում
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Ավստրիայի արտաքին գործերի նախարար Ալեքսանդր Շալենբերգը հայտնել է, որ Եվրամիությունը ցանկանում է երկխոսություն սկսել Ռուսաստանի հետ, բայց Մոսկվան ներկայումս դրանով հետաքրքրված չէ: «Արմենպրես»-ի հաղորդմամբ՝ այս մասին հայտնում է «ՌԻԱ Նովոստի»-ն:
Նախարարի խոսքով՝ այժմ Ռուսաստանի ու ԵՄ-ի հարաբերությունները լարված են: «ԵՄ-ն ցանկանում է երկխոսություն, ցանկանում է երկխոսության ուղիներ », - ասել է Շալլենբերգը՝ ավստրիական Ö1 ռադիոկայանին տված հարցազրույցում:
Լրագրողի հարցին, թե արդյոք Մոսկվան հետաքրքրված է դրանով՝ նախարարը պատասխանել է. «Հիմա ոչ»:
Միաժամանակ, Ավստրիայի ԱԳ նախարարը նշել է մի շարք ոլորտներ, որոնցում Մոսկվան ու Բրյուսելը ցանկանում են և պետք է համագործակցեն: «Կլիմա, էներգետիկա»,-ասել է նախարարը: