Վազգեն Մանուկյանը նիստի է հրավիրում «Հայրենիքի փրկության շարժման» խորհրդի անդամներին

ԵՐԵՎԱՆ, 13 ՄԱՅԻՍԻ, ԱՐՄԵՆՊՐԵՍ: ՀՀ նախկին վարչապետՎազգեն Մանուկյանը մայիսի 14-ին, ժամը 17:00-ին, հրավիրում է «Հայրենիքի փրկության շարժման» խորհրդի անդամներին նիստի: Ինչպես տեղեկացնում է «Արմենպրես»-ը, Վազգեն Մանուկյանի հայտարարությունը տարածել է «Հայրենիքի փրկության շարժման» «Ֆեյսբուք»-ի էջը:

Հայտարարության մեջ նշված է, որ խորհրդի նիստի նպատակն է՝ քննարկել Սյունիքում տեղի ունեցող իրադարձությունները և հետագա անելիքները:

Մայիսի 12-ին Անվտանգության խորհրդի նիստի ընթացքում ՀՀ վարչապետի պաշտոնակատար Նիկոլ Փաշինյանը հայտնել էր, որ ադրբեջանական զինված ուժերը Սյունիքի մարզի Սև լիճ տեղանքում հատել են Հայաստանի Հանրապետության պետական սահմանը և խորացել մինչև 3,5 կիլոմետր: