«Վան»-ը Գյումրիում հաղթեց «Շիրակ»-ին

ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Հայաստանի ֆուտբոլի առաջնության 21-րդ տուրը մեկնարկեց «Շիրակ»-«Վան» խաղով:

«Արմենպրես»-ի հաղորդմամբ` Գյումրու քաղաքային մարզադաշտում կայացած խաղում Չարենցավանը ներկայացնող «Վան»-ն առավելության հասավ 1:2 հաշվով: Առաջինը հանդիպման հաշիվը բացեցին «Շիրակ»-ի ֆուտբոլիստները: 15-րդ րոպեին աչքի ընկավ Իգոր Ստանոևիչը: Մինչ ընդմիջումը «Վան»-ը հավասարեցրեց հաշվի տարբերությունը: Գոլի հեղինակ դարձավ Ստեֆան Աջումանը: «Վան»-ին հաջողվեց հաղթանակ տոնել երկրորդ կեսում խփած գնդակի շնորհիվ: 81-րդ րոպեին նշանակված 11 մետրանոց հարվածն անվրեպ իրացրեց Ուիլֆրեդ Կուասին: «Շիրակ»-«Վան»` 1:2:

Այս տուրի շրջանակներում կկայանան նաև «Փյունիկ»-«Արարատ», «Ուրարտու»-«Արարատ-Արմենիա» և «Նոա»-«Ալաշկերտ» խաղերը: