Դմիտրի Պեսկովը նշել է Լեռնային Ղարաբաղում խաղաղապահների տեղակայման պայմանը
1 րոպեի ընթերցում
![Դմիտրի Պեսկովը նշել է Լեռնային Ղարաբաղում խաղաղապահների տեղակայման պայմանը](http://armenpress.am/resized/480/static/news/b/2020/10/1031669.jpg)
ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Լեռնային Ղարաբաղում խաղաղապահների տեղակայումը հնարավոր է միայն Հայաստանի և Ադրբեջանի համաձայնությամբ:
Ինչպես տեղեկացնում է «Արմենպրես»-ը, վկայակոչելով «ՌԻԱ Նովոստի»-ին, այս մասին ասել է ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը:
«Առաջնային հարցն այն է ՝ պատրա՞ստ են, արդյոք, դրան հակամարտող կողմերը` Ադրբեջանն ու Հայաստանը: Խաղաղապահների, դիտորդների ցանկացած տեղակայում հնարավոր է միայն երկու կողմերի համաձայնությամբ», - ասել է Պեսկովը՝ պատասխանելով այն հարցին, թե պատրա՞ստ է, արդյոք, Ռուսաստանն իր խաղաղապահներին ուղարկել Լեռնային Ղարաբաղ, և հավելել. «Առայժմ մենք ինքներս դեռ պատասխանը չենք լսել»: