Հարավկորեացիների շուրջ 90 տոկոսն անհրաժեշտ է համարում պահպանել ԱՄՆ-ի հետ ռազմական դաշինքը. հարցում
1 րոպեի ընթերցում
ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Կորեայի Հանրապետության քաղաքացիների մեծամասնությունը հանդես Է գալիս ԱՄՆ-ի հետ ռազմական դաշինքի պահպանման օգտին, չնայած երկու երկրների հարաբերություններում ծագած լարվածությանը համատեղ ռազմական ծախսերի բաժանման շուրջը բանակցությունների ձախողման պատճառով: Ինչպես տեղեկացնում Է «Արմենպրես»-ը, այդ մասին են վկայում այն հարցախույզի արդյունքները, որը հունիսի 23-ից մինչեւ 25-ը Հարավային Կորեայի միջազգային փոխանակումների հիմնադրամի պատվերով անցկացվել Է հազար հարավկորեացիների շրջանում:
Հարցման մասնակիցների 90 տոկոսը հայտարարել Է, որ անհրաժեշտ Է համարում ԱՄՆ-ի հետ դաշինքի պահպանումը: Հարցվածների 82 տոկոսը «լիովին կամ մասնակիորեն համոզված Է» Կորեայի Հանրապետությունը պաշտպանելու խոստմանն ԱՄՆ-ի հանձնառության հարցում: Հարցման մասնակիցների 64 տոկոսը դաշինքը համարում Է փոխշահավետ, իսկ 74 տոկոսը հանդես Է գալիս Հարավային Կորեայում ԱՄՆ-ի զորքերի երկարաժամկետ տեղաբաշխման օգտին, հաղորդել Է ՏԱՍՍ-ը: