Տիգրան Բալայանն ակնկալում է սերտ աշխատանք Հայաստանում Նիդերլանդների առաջին ռեզիդենտ դեսպանի հետ
1 րոպեի ընթերցում
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Նիդերլանդներում Հայաստանի արտակարգ և լիազոր դեսպան Տիգրան Բալայանն անդրադարձել է Նիկո Սխեմերսին Երևանում ՆԹ առաջին ռեզիդենտ դեսպան նշանակելուն:
«Ուրախ եմ տեղեկանալ, որ Նիդերլանդների կառավարությունը որոշել է փորձառու դիվանագետ Նիկո Սխեմերսին նշանակել Երևանում ՆԹ առաջին ռեզիդենտ դեսպան։ Ակնկալում եմ աշխատել սերտ համագործակցությամբ»,- «Արմենպրես»-ի հաղորդմամբ՝ «Թվիթեր»-ում գրառում է կատարել դեսպան Տիգրան Բալայանը: