Երևանում՝ 11:07,   19 Ապրիլ 2024

Նոր Զելանդիան 16 մլն ԱՄՆ դոլարի ռազմական և հումանիտար օգնություն կհատկացնի Ուկրաինային

Նոր Զելանդիան 16 մլն ԱՄՆ դոլարի ռազմական և հումանիտար օգնություն 
կհատկացնի Ուկրաինային

ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Նոր Զելանդիայի արտաքին գործերի նախարար Ուինսթոն Փիթերսը հայտարարել է Ուկրաինային տրամադրվող ռազմական և հումանիտար օգնության նոր փաթեթի մասին և խոստացել է հերթական պատժամիջոցները սահմանել Ռուսաստանի նկատմամբ։ «Արմենպրես»-ի փոխանցմամբ՝ այս մասին հաղորդում է նորզելանդական Press պարբերականը։

Այսպիսով, Ուկրաինայում Ռուսաստանի ծավալած ռազմական գործողությունների ընթացքում Նոր Զելանդիայի կողմից Կիևին տրամադրված օգնությունը կգերազանցի 62 միլիոն ԱՄՆ դոլարը։

Փիթերսը նշել է, որ կարևոր է ֆինանսավորել Ուկրաինային զենք տրամադրելու ջանքերը, քանի որ պատերազմում ձախողումը «շատ ավելի լայնամասշտաբ հետևանք կունենա, քան Ուկրաինան»:

Ուկրաինային օգնության նոր փաթեթի շրջանակներում, ի թիվս այլ բաների, 4 մլն ԱՄՆ դոլար կհատկացվի զենք և զինամթերք գնելու համար, 4,3 մլն ԱՄՆ դոլար՝ ուկրաինացի փախստականների համար մարդասիրական օգնության ձեռքբերմանը, 1,9 մլն դոլար՝ Ուկրաինայում վերականգնման, վերակառուցման և բարեփոխումների նպատակով։

Բացի այդ, Նոր Զելանդիայի կառավարությունը որոշել է մինչև 2025 թվականի հունիս երկարաձգել իր ռազմական հրահանգիչների աշխատանքը Մեծ Բրիտանիայում ուկրաինական զինծառայողների վերապատրաստման համար։

Նոր Զելանդիայի արտգործնախարարն ընդգծել է, որ երկրի կառավարությունը քննարկում է Ռուսաստանի նկատմամբ նոր սահմանափակող միջոցների հարցը, որոնք ավելի արդյունավետ կլինեն։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]