Tesla-ի նախկին ինժեներն անվարորդ ավտոմեքենա ստեղծելու նպատակով աշխատանքի է անցել Apple-ում. Bloomberg
13:15, 6 Նոյեմբեր 2021
ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Ամերիկյան Apple ընկերությունն աշխատանքի է ընդունել Tesla ընկերության նախկին ինժեներ Քրիստոֆեր Մուրին, ում թիմը զբաղվել է անվարորդ ավտոմեքենա ստեղծելու գործով: «Արմենպրես»-ի փոխանցմամբ, այս մասին հայտնել է Bloomberg-ը՝ հղում անելով իր աղբյուրներին:
Bloomberg-ի տվյալներով՝ Մուրն աշխատելու է մեքենայի ծրագրային ապահովման վրա՝ Ստյուարտ Բաուէրսի ղեկավարությամբ, ով մինչև 2019 թվականի կեսերը ևս աշխատել է Tesla-ում:
Apple ընկերությունը պաշտոնապես չի հաստատել սեփական անվարորդ տրանսպորտային միջոցը մշակելու լուրը՝ հրաժարվելով մեկնաբանություններից:
Համաձայն ԶԼՄ-ների՝ ընկերությունն արդեն 2024 թվականին մտադիր է սկսել սեփական մեքենաների արտադրությունը:
Բաժանորդագրվեք մեր ալիքին Telegram-ում