«Ատլետիկ»-ը Իսպանիայի Սուպերգավաթի եզրափակիչում հաղթել է «Բարսելոնա»-ին
08:32, 18 Հունվար 2021
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Իսպանիայի ֆուտբոլի Սուպերգավաթի եզրափակիչում մրցեցին «Բարսելոնա»-ն և «Ատլետիկ»-ը:
«Արմենպրես»-ի հաղորդմամբ` հանդիպման հաշիվն առաջինը բացեց Անտուան Գրիզմանը` 40-րդ րոպեին, բայց «աթլետներն» արագ վերականգնեցին հաշվի հավասարությունը: Գոլառատ ստավեց երկրորդ կեսը, որտեղ ի պատասխան Գրիզմանի երկրորդ գնդակին, «Ատլետիկ»-ը խփեց ևս մեկը: Հիմնական ժամանակն ավարտվեց ոչ-ոքի և միայն լրացուցիչ ժամանակում Ինիակի Ուիլյամսի գոլը հաղթանակ բերեց «Ատլետիկ»-ին: Լրացուցիչ ժամանակում կարմիր քարտ ստացավ «Բարսելոնա»-ի արգենտինացի ավագ Լիոնել Մեսին, ով հարվածել էր մրցակցի գլխին: «Բարսելոնա»-«Ատլետիկ»` 2:3:
Բաժանորդագրվեք մեր ալիքին Telegram-ում