Ժամանակը Երևանում՝ 11:07:36,   18 Հունվար

ԱԺ-ի մոտ հավաքված քաղաքացիները պատգամավորներին կոչ արեցին չեղարկել ռազմական դրությունը

ԱԺ-ի մոտ հավաքված քաղաքացիները պատգամավորներին կոչ արեցին չեղարկել 
ռազմական դրությունը

ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: ՀՀ ազգային ժողովի դիմաց հավաքված մի խումբ քաղաքացիներ պահանջեցին կողմ քվեարկել Ռազմական դրությունը վերացնելու մասին օրենքի նախագծին, որը հեղինակել է «Լուսավոր Հայաստան» խմբակցությունը:

«Արմենպրես»-ի հաղորդմամբ՝ ցույցի մասնակիցների կարծիքով՝ իշխանությունը, պահպանելով ռազմական դրությունը, ցանկանում է լռեցնել իրենց բողոքի ձայնը:

Հայ յեղափոխական դաշնակցության Հայաստանի երիտասարդական միության անդամ Քրիստինե Վարդանյանն ասաց, որ ԱԺ-ի դիմաց են՝ «Իմ քայլը» խմբակցության պատգամավորներին հիշեցնելու, որ պատասխանատու են ժողովրդի առաջ: «Եվ այսօր պարտավոր են քվեարկել ռազմական դրությունը չեղարկելու օգտին: Եթե իրենք այսօր էլ տապալելու են սահմանադրական ճանապարհով այս ճգնաժամի հանգուցալուծելը, մեր պատասխանը լինելու է համարժեք»,-ասաց նա ու հույս հայտնեց, որ «Իմ քայլ»-ից ստանալու են ազդակ, որ կողմ են քվեարկելու:

Քրիստինե Վարդանյանը երկրում ճգնաժամի սահմանադրական լուծման մի ճանապարհ է տեսնում՝ ռազմական դրության չեղարկում, որն էլ հետագայում թույլ է տալու օրենքով նախատեսված կարգով հեռացնել իշխանությանը և նշանակել ԱԺ արտահերթ ընտրություններ: Նրա կարծիքով՝ դա ժողովրդին թույլ է տալու կամարտահայտվել և նոր լեգիտիմության քվե տալ իր ցանկացած իշխանությանը: «Եթե հայ ժողովուրդը 3 ամիս հետո գնալու է և որոշելու է, որ նորից Նիկոլ Փաշինյանին ազատ ու արդար ընտրություններով քվե է տալու, դա հայ ժողովրդի իրավունքն է: Բայց հիմա ճգնաժամի հաղթահարման առաջին քայլը ռազմական դրության չեղարկումն է»,-ասաց նա:

Նա նշեց, որ իրենց արձագանքը կլինի նիստից հետո, երբ պարզ կլինեն քվեարկության արդյունքները:

Աննա Գրիգորյան

 






https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ