Ռուբեն Մխիթարյանն ընտրվեց ԱԺ Տարածքային կառավարման և շրջակա միջավայրի պահպանության հարցերի մշտական հանձնաժողովի նախագահ

Ազգային ժողովը սեպտեմբերի 17-ի նիստում շարունակեց Տարածքային կառավարման և շրջակա միջավայրի պահպանության հարցերի մշտական հանձնաժողովի նախագահի ընտրության հարցի քննարկումը։

«Արմենպրես»-ի հաղորդմամբ՝ ԱԺ «Ուժեղ Հայաստան» խմբակցությունն այդ պաշտոնում առաջադրել էր խմբակցության պատգամավոր Ռուբեն Մխիթարյանի թեկնածությունը։ Քվեարկությանը մասնակցած 89 պատգամավորից Ռուբեն Մխիթարյանի թեկնածությանը կողմ է քվեարկել 53, դեմ՝ 36 պատգամավոր։

Այսպիսով, Ռուբեն Մխիթարյանն ընտրվեց Տարածքային կառավարման և շրջակա միջավայրի պահպանության հարցերի մշտական հանձնաժողովի նախագահ։