Boeing-ը ծրագրում Է Boeing 737 MAX ինքնաթիռները շահագործման վերադարձնել 2020 թվականի կեսերին
ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Միացյալ Նահանգների Boeing կորպորացիան հույս ունի կարգավորիչներից Boeing 737 MAX ինքնաթիռների շահագործման թույլտվություն ստանալ ընթացիկ տարվա կեսերին: Այդ մասին ասված Է ընկերության կայքում զետեղված մամուլի տեղեկագրում, հաղորդում Է «Արմենպրես»-ը:
Ըստ որում Boeing-ում ընդգծում են, որ երաշխիքներ չեն կարող տալ ժամկետների վերաբերյալ, եւ այս հայտարարությունը սոսկ «կանխատեսում» Է:
«Անվտանգ օգտագործման MAX-ի վերադարձը մեր թիվ մեկ առաջնահերթությունն Է, եւ մենք համոզված ենք, որ դա տեղի կունենա»,- նշվում Է ընկերության մամուլի տեղեկագրում:
Boeing 737 MAX ինքնաթիռների շահագործումն ամբողջ աշխարհում արգելված Է անցյալ տարվա մարտից՝ Ինդոնեզիայում եւ Եթովպիայում այդ օդանավի երկու աղետներից հետո, որոնց զոհ դարձավ 346 մարդ, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում