1 წუთი კითხვის
ნატო-ს გენერალური მდივანი მარკ რუტე ვაშინგტონს 23-დან 25 ივნისამდე ეწვევა. როგორც „არმენპრესი“ იუწყება, ამის შესახებ ჩრდილოატლანტიკური ალიანსის შტაბ-ბინის პრესსამსახურმა განაცხადა.
24 ივნისს იგი თეთრ სახლში შეხვდება აშშ-ის პრეზიდენტ დონალდ ტრამპსა და აშშ-ის ადმინისტრაციის მაღალჩინოსნებს. იმავე დღეს რუტე ვაშინგტონიდან ონლაინ ფორმატში მიიღებს მონაწილეობას
„E5“-ის (European Group of Five) სხდომაში, ხოლო 25 ივნისს შეხვდება აშშ-ის კონგრესის წევრებს და მონაწილეობას მიიღებს ატლანტიკური საბჭოს მიერ ორგანიზებულ დისკუსიაში.
„E5“ წარმოადგენს ხუთი ევროპული ქვეყნის არაფორმალურ ჯგუფს, რომლის შემადგენლობაშიც შედიან დიდი ბრიტანეთი, გერმანია, იტალია, პოლონეთი და საფრანგეთი.