სომხეთის ელჩმა ენგიბარიანმა და ბუნდესთაგის საგარეო ურთიერთობათა კომიტეტის წევრმა კარაჰმედოღლუმ განიხილეს სამხრეთ კავკასიაში არსებული ვითარება

გერმანიაში სომხეთის რესპუბლიკის ელჩმა ვიქტორ ენგიბარიანმა შეხვედრა გამართა ბუნდესტაგის საგარეო ურთიერთობათა კომიტეტის წევრ მექიდ კარაჰმედოღლუსთან.

როგორც „არმენპრესი“ იუწყება, ამის შესახებ გერმანიაში სომხეთის საელჩომ განაცხადა. ელჩმა ენგიბარიანმა მექიდ კარაჰმედოღლუ მიულოცა გერმანია–სამხრეთ კავკასიის მეგობრობის ჯგუფში ჩართვა.

„ვისაუბრეთ სომხეთ-თურქეთის და სომხეთ–აზერბაიჯანის ურთიერთობების გაუმჯობესების, ასევე სომხეთ-გერმანიის პარტნიორობის თემებზე“, - აღნიშნულია საელჩოს გავრცელებულ ცნობაში.

საელჩოს ინფორმაციით, შეხვედრის მონაწილეები ერთსულოვნები იყვნენ იმაში, რომ მშვიდობა და ღია საზღვრები ემსახურება როგორც სომხეთის, ისე თურქეთისა და აზერბაიჯანის ინტერესებს და რეგიონული განვითარების და კეთილდღეობისათვის სხვა ალტერნატივა არ არსებობს.