ნიკოლ ფაშინიანმა ჰესენის მშვიდობის პრიზის მინიჭება დიდ პატივად შეაფასა

სომხეთის პრემიერ-მინისტრმა ნიკოლ ფაშინიანმა ჰესენის მშვიდობის პრიზის მინიჭებისთვის მადლობა გადაიხადა.

„დიდი პატივია ჰესენის მშვიდობის პრიზის მიღება სამხრეთ კავკასიაში მშვიდობის დამყარებისკენ მიმართული ძალისხმევისთვის. მადლობელი ვარ ამ აღიარებისთვის“, - წერს ფაშინიანი „ფეისბუქის“ საკუთარ გვერდზე, იუწყება „არმენპრესი“.

შეგახსენებთ, რომ სომხეთის რესპუბლიკის პრემიერ-მინისტრი ნიკოლ ფაშინიანი სამუშაო ვიზიტით გერმანიის ფედერაციულ რესპუბლიკაში იმყოფება.

სამხრეთ კავკასიაში მშვიდობის დამყარებისკენ მიმართული ძალისხმევისთვის სომხეთის რესპუბლიკის პრემიერ-მინისტრ ნიკოლ ფაშინიანს ჰესენის მშვიდობის პრიზი 18 სექტემბერს გადაეცა.