რუსეთი უკრაინისგან პირდაპირ მოლაპარაკებებთან დაკავშირებულ ახალ ეტაპზე თარიღების დასახელებას ელის: პესკოვი

რუსეთი კვლავ ელოდება უკრაინის მხრიდან პირდაპირი მოლაპარაკებების ახალი ეტაპის სავარაუდო თარიღების დასახელებას. როგორც „არმენპრესი“ ТАСС-ზე დაყრდნობით იუწყება, ამის შესახებ 8 ივლისს ჟურნალისტებთან ბრიფინგზე რუსეთის პრეზიდენტის პრესმდივანმა დმიტრი პესკოვმა განაცხადა.

„როგორც პრეზიდენტმა გასულ კვირას განაცხადა, ჩვენ ველოდებით უკრაინული მხარის შეთავაზებას შესაძლო თარიღებთან დაკავშირებით. როგორც კი თარიღებზე შეთანხმება მოხდება და ვიმედოვნებთ, რომ ასეც მოხდება, ჩვენ მათ დაუყოვნებლივ გამოვაცხადებთ“, - აღნიშნა პესკოვმა.

რუსეთსა და უკრაინას შორის მოლაპარაკებების პირველი ორი რაუნდი ჩატარდა 26 მაისს და 2 ივნისს სტამბოლში. მათი შედეგების მიხედვით, მხარეებმა შეთანხმებას მიაღწიეს ტყვეების გაცვლაზე „1000-ს 1000-ზე“ ფორმულით, ასევე მძიმე ავადმყოფებისა და ახალგაზრდების (25 წლამდე) დაბრუნებაზე „ყველა ყველას სანაცვლოდ“ პრინციპით, თითოეული მხრიდან სულ მცირე 1000 ადამიანი.