ჩინეთის ელჩი გერმანიის საგარეო საქმეთა სამინისტროში იქნა დაბარებული

ჩინეთის ელჩი გერმანიაში 8 ივლისს დაბარებული იყო გერმანიის საგარეო საქმეთა სამინისტროში, სადაც გერმანულმა მხარემ პროტესტი გამოხატა წითელ ზღვაში მოქმედ გერმანულ თვითმფრინავზე ლაზერული თავდასხმის გამო. როგორც „არმენპრესი“ იუწყება, ამის შესახებ ნათქვამია გერმანიის საგარეო საქმეთა სამინისტროს განცხადებაში სოციალურ ქსელ X-ში.

„გერმანული ეკიპაჟის მიზანში ამოღება და მისი მოქმედების შეფერხება აბსოლუტურად მიუღებელია“, - აღნიშნულია სამინისტროს განცხადებაში.

The Chinese military employed a laser targeting a German aircraft in the EU operation #ASPIDES. Endangering German personnel & disrupting the operation is entirely unacceptable. The Chinese ambassador was summoned to the Federal Foreign Office today.

— GermanForeignOffice (@GermanyDiplo) July 8, 2025

Associated Press-ის ცნობით, გერმანიის თავდაცვის სამინისტრომ განაცხადა, რომ საზღვაო სადამკვირვებლო თვითმფრინავი ევროკავშირის Aspides მისიას ეკუთვნოდა, რომლის მიზანია იემენში ჰუთების მხრიდან სამოქალაქო გემების დაცვა. გერმანიის თავდაცვის სამინისტროს განცხადებით, თვითმფრინავს ლაზერული იერიში მიაყენა ჩინურმა სამხედრო ხომალდმა მიმდინარე თვის დასაწყისში „სრულიად უმიზეზოდ და ყოველგვარი გაფრთხილების გარეშე“.

როგორც პრევენციული ზომა, თვითმფრინავის მისია გაუქმდა. ის დაჯდა ჯიბუტის სამხედრო ბაზაზე. ეკიპაჟის წევრები არ დაშავებულან. მოგვიანებით თვითმფრინავმა განაახლა მოქმედება ევროკავშირის მისიასთან ერთად წითელ ზღვაში.