რუბენ რუბინიანმა სომხეთში ჩინეთის ელჩი მიიღო

სომხეთის ეროვნული ასამბლეის თავმჯდომარემ რუბენ რუბინიანმა 12 აგვისტოს სომხეთის რესპუბლიკაში ჩინეთის სახალხო რესპუბლიკის საგანგებო და უფლებამოსილი ელჩი ლი სინვეი მიიღო.

„არმენპრესის“ ცნობით, ამის შესახებ ინფორმაციას სომხეთის რესპუბლიკის ეროვნული ასამბლეის საზოგადოებასთან ურთიერთობისა და კომუნიკაციის სამმართველო ავრცელებს.

ელჩმა მიულოცა რუბენ რუბინიანს სომხეთის ეროვნული ასამბლეის თავმჯდომარის თანამდებობაზე არჩევა.

შეხვედრისას მხარეებმა კმაყოფილებით აღნიშნეს, რომ სომხეთსა და ჩინეთს შორის ურთიერთობები სტრატეგიული პარტნიორობის დონეზე ვითარდება. განიხილეს საპარლამენტთაშორისო ურთიერთობების შემდგომ გაღრმავებასა და თანამშრომლობის გაფართოებასთან დაკავშირებული საკითხები.

მხარეებმა ასევე ხაზი გაუსვეს სხვადასხვა სფეროში თანამშრომლობის განვითარებისა და ახალი მიმართულებებით ურთიერთქმედების შესაძლებლობების გაფართოების აუცილებლობას.