სომხეთი მიესალმება ლიბანსა და ისრაელს შორის ზავის შეთანხმებას

ერევანი, 27 ნოემბერი, არმენპრესი․ სომხეთის რესპუბლიკის საგარეო საქმეთა სამინისტრომ გაავრცელა განცხადება, რომელშიც მიესალმება ლიბანსა და ისრაელს შორის მიღწეულ ზავის შეთანხმებას.

„არმენპრესის“ ინფორმაციით, ამის შესახებ აღნიშნულია სომხეთის საგარეო საქმეთა სამინისტროს X პლატფორმაზე გამოქვეყნებულ პოსტში.

„სომხეთი მიესალმება ლიბანსა და ისრაელს შორის ახლახან მიღწეულ ზავის შეთანხმებას და იმედს გამოთქვამს, რომ ეს ცეცხლის შეწყვეტა, როგორც მნიშვნელოვანი ნაბიჯი, ხელს შეუწყობს ჰუმანიტარული პრობლემების მოგვარებას და რეგიონში მშვიდობის დამყარებას“, - ნათქვამია განცხადებაში.

#Armenia welcomes the recently reached #ceasefire agreement between Lebanon & Israel, & expresses its hope that this truce will serve as a pivotal step towards addressing humanitarian issues & fostering peace in the entire region.

— MFA of Armenia🇦🇲 (@MFAofArmenia) November 27, 2024

აქამდე გავრცელდა ინფორმაცია, რომ ისრაელსა და ლიბანურ „ჰეზბოლას“ შორის ზავი ძალაში შევიდა გრინვიჩის დროით 27 ნოემბრის 2:00 საათზე (ერევნის დროით 6:00 საათზე). აშშ-ის პრეზიდენტმა ჯო ბაიდენმა ვიდეომიმართვაში განაცხადა, რომ ორივე მხარემ მიიღო შეთანხმება, რომელიც აშშ-ისა და საფრანგეთის შუამავლობით იქნა მიღწეული.