365.86
გევორგ პაპოიანი ყაზახეთის სოფლის მეურნეობის მინისტრს შეხვდა
1 წუთი კითხვის
სომხეთის ეკონომიკის მინისტრი გევორგ პაპოიანი 13 აგვისტოს ალმათიში ყაზახეთის სოფლის მეურნეობის მინისტრს, აიდარბეკ საპაროვს შეხვდა.
„არმენპრესის“ ცნობით, ამის შესახებ ინფორმაციას სომხეთის რესპუბლიკის ეკონომიკის სამინისტრო ავრცელებს.
მხარეებმა განიხილეს სოფლის მეურნეობის სფეროში თანამშრომლობის გაფართოების, ორმხრივი სავაჭრო ბრუნვის გაზრდის, ერთობლივი საინვესტიციო პროექტების განხორციელებისა და თანამედროვე აგროტექნოლოგიებისა და გამოცდილების გაზიარების შესაძლებლობები.
ყურადღება გამახვილდა ასევე წყლის რესურსების ეფექტიან გამოყენებაზე, საირიგაციო სისტემების, მეცხოველეობისა და სოფლის მეურნეობის პროდუქციის გადამუშავების სფეროებში თანამშრომლობაზე.
მინისტრმა პაპოიანმა ხაზი გაუსვა ყაზახეთში სომხური აგრარული და სურსათის პროდუქციის - კერძოდ, მეღვინეობის, ხილ-ბოსტნეულისა და მეთევზეობის პროდუქტების ექსპორტის გაზრდის პოტენციალს.