ვაჰან კოსტანიანმა და ოლექსანდრ მერეჟკომ სომხეთ-უკრაინის თანამშრომლობის დღის წესრიგი განიხილეს

სომხეთის რესპუბლიკის საგარეო საქმეთა მინისტრის მოადგილის დროებითმა შემსრულებელმა ვაჰან კოსტანიანმა კიევში სამუშაო ვიზიტის ფარგლებში შეხვედრა გამართა უკრაინის უმაღლესი რადის საგარეო პოლიტიკისა და საპარლამენტთაშორისო თანამშრომლობის კომიტეტის თავმჯდომარესთან, ოლექსანდრ მერეჟკოსთან.

„არმენპრესის“ ცნობით, ამის შესახებ ინფორმაციას სომხეთის რესპუბლიკის საგარეო საქმეთა სამინისტრო ავრცელებს და აღნიშნავს, რომ თანამოსაუბრეებმა სომხეთ-უკრაინის თანამშრომლობის დღის წესრიგი განიხილეს - ხაზი გაუსვეს ორმხრივი ინტერესის შემცველ სხვადასხვა სფეროში ურთიერთქმედების გააქტიურებას.

ვაჰან კოსტანიანი და ოლექსანდრ მერეჟკო ასევე შეეხნენ საპარლამენტთაშორისო კავშირების განვითარებას, კერძოდ, ორი ქვეყნის პარლამენტების შესაბამის კომიტეტებს შორის ურთიერთობების კიდევ უფრო გააქტიურებას - ორმხრივი ვიზიტებისა და პერიოდული კონტაქტების მეშვეობით.

აზრები გაიცვალა ასევე რეგიონული და საერთაშორისო დღის წესრიგის რიგ საკითხებზე.