ხანდანიანმა უარყო მტკიცებები, თითქოს სომხეთის ხელისუფლება წინააღმდეგია სხვა სახელმწიფოების მიერ სომეხთა გენოციდის აღიარებისა

სომეხთა გენოციდის საერთაშორისო აღიარების საკითხი სომხეთის საგარეო პოლიტიკურ დღის წესრიგში პრიორიტეტად არ არის და არც უნდა იყოს.

„არმენპრესის“ ცნობით, ამის შესახებ სომხეთის რესპუბლიკის ეროვნულ ასამბლეაში სომხეთის რესპუბლიკის ეროვნული ასამბლეის საგარეო ურთიერთობათა მუდმივმოქმედი კომისიის თავმჯდომარეობის კანდიდატმა სარგის ხანდანიანმა განაცხადა.

ოპოზიციონერი ზოგიერთი დეპუტატის მიერ გაკეთებულ განცხადებებს შეეხო, თითქოს სომხეთის ხელისუფლება წინააღმდეგია, რომ სხვა სახელმწიფოებმა სომეხთა გენოციდი აღიარონ — სარგის ხანდანიანმა ეს მტკიცებები უარყო.

„ჩვენ მივესალმებით ყველა იმ სახელმწიფოს, რომელმაც სომეხთა გენოციდი აღიარა და კვლავინდებურად მივესალმებით აღიარების პროცესს. თუმცა, ჩემი აზრით, გენოციდის აღიარების საკითხი თითოეული სახელმწიფოს შიდა დღის წესრიგის თემაა — რამდენად არის ეს სახელმწიფო ერთგული საერთაშორისო ჰუმანიტარული სამართლისა და პრინციპებისა და თავისი ღირებულებებით რამდენად უწყობს ხელს ამ პროცესს“, — განაცხადა ხანდანიანმა.

მისი თქმით, სომხეთს მნიშვნელოვანი როლი აკისრია გენოციდების პრევენციის საერთაშორისო ძალისხმევაში — კერძოდ, გაეროს სტრუქტურებში. მან გაახსენა, რომ სომხეთის საგარეო საქმეთა სამინისტრო ყოველწლიურად აორგანიზებს ფორუმს „გენოციდის დანაშაულის წინააღმდეგ“.

ხანდანიანმა ასევე განმარტა თავისი პოზიცია სომეხთა გენოციდის საკითხის ინსტრუმენტალიზაციასა და იარაღად ქცევასთან (ინსტრუმენტად გამოყენებასთან) დაკავშირებით.

„ჩვენ არ ვამბობთ, რომ გვინდა სომხეთის რესპუბლიკამ მოახდინოს ამ საკითხის ინსტრუმენტალიზაცია ან იარაღად ქცევა. დიახ, არ უნდა გააკეთოს. ჩვენ ვამბობთ, რომ სხვები აკეთებენ ამას — თავიანთ სხვა ურთიერთობებში სხვა საკითხების მოსაგვარებლად. ეს ძალიან შეურაცხმყოფელია სომხეთის რესპუბლიკისა და სომეხი ხალხისთვის“, — განაცხადა მან.