2 րոպեի ընթերցում
ԵՐԵՎԱՆ, 29 ՆՈՅԵՄԲԵՐԻ, ԱՐՄԵՆՊՐԵՍ: Վրաստանի իշխանությունների եւ ընդդիմության ներկայացուցիչները բանակցություններ կվարեն դիվանագետների մասնակցությամբ եւ կքննարկեն նաեւ խորհրդարանական ընտրությունների «գերմանական մոդելին» անցնելու հնարավորությունը: Այդ մասին նոյեմբերի 29-ին լրագրողներին հայտարարել Է «Վրացական երազանք-դեմոկրատական Վրաստան» կառավարող կուսակցությունից պատգամավոր Իրակլի Կոբախիձեն, տեղեկացնում Է «Արմենպրես»-ը:
«Մենք կոնսուլտացիաներ ենք անցկացրել դիվանագիտական կորպուսի ու դեսպանների հետ: Նրանք հանդես եկան բանակցությունների սեղանի շուրջ նստելու եւ երկխոսություն սկսելու նախաձեռնութմամբ, չնայած ընդդիմության դեստրուկտիվ գործողություններին: Մենք անսացինք դիվանագիտական կորպուսի կարծիքին, եւ վաղը, օրվա առաջին կեսին, տեղի կունենա իշխանության ու ընդդիմության ներկայացուցիչների հանդիպումը: Դիվկորպուսի ներկայացուցիչները նույնպես ներկա են լինելու»,-ասել Է Կոբախիձեն:
Հանդես գալով համամասնական ընտրությունների օգտին՝ ընդդիմությունը որպես այլընտրանք առաջարկել Է անցնել ընտրությունների «գերմանական մոդելին», որը, նրանց ասելով, չի պահանջում փոփոխություններ կատարել Սահմանադրության մեջ: Մինչդեռ իշխանությունները հակառակն են պնդում, հաղորդել Է Sputnik-ը: