1 րոպեի ընթերցում
ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ: Իրանի հյուսիս-արևմուտքում ուրբաթ գիշեր տեղի ունեցած երկրաշարժի հետևանքով տուժածների թիվը հասել է 529-ի: «Արմենպրես»-ի հաղորդմամբ՝ այս մասին հայտնել է ԻՌՆԱ-ն` վկայակոչելով բժիշկներին:
Մինչ այդ հայտարարվել էր, որ զոհվել է վեց մարդ, տուժել` 345-ը, իսկ մի շարք բնակավայրերում գրանցվել են ավերածություններ:
5,9 մագնիտուդով երկրաշարժի ցնցումների էպիկենտրոնը Թավրիզից (Արևելյան Ադրբեջանի նահանգ) 156 կիլոմետր դեպի հարավ-արևելք է: Եվրոպական սեյսմոլոգների տվյալներով` աղբյուրը 62 կիլոմետր խորություն ունի, իսկ իրանական սեյսմոլոգները հայտնել էին ութ կիլոմետրի մասին: