1 րոպեի ընթերցում
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Արցախի հանրապետությունում գտնվող Երևանի քաղաքապետ Հայկ Մարությանն այցելել է Շուշի:
Ինչպես «Արմենպրես»-ին հայտնեցին Երևանի քաղքապետարանի աշխատակազմի տեղեկատվության և հասարակայնության հետ կապերի վարչությունից, երևանյան պատվիրակության անդամները նախ ծաղիկներ են խոնարհել Սպարապետ Վազգեն Սարգսյանի հուշարձանին: Ստեփանակերտի քաղաքապետ Սուրեն Գրիգորյանի և Շուշիի շրջանի վարչակազմի ղեկավար Վլադիմիր Կասյանի ուղեկցությամբ քաղաքապետ Մարությանը շրջել է նաև քանդակների պուրակում, որտեղ աշխարհի տարբեր ծայրերից հավաքված են 62 աշխատանքներ:
***
Պաշտոնական հանդիպման շրջանակում կողմերն անդրադարձել են Շուշիի և Երևանի Աջափնյակ վարչական շրջանի միջև ձևավորված համագործակցությանն ու նախանշել առաջիկա անելիքները: Երկուստեք կարևորվել է նոր ծրագրերի իրականացումը` մշակույթի և սպորտի ոլորտներում: Շուշիի վարչակազմի ղեկավար Վլադիմիր Կասյանը նաև Երևանի քաղաքապետին է ներկայացրել քաղաքի առաջնահերթ խնդիրներն ու իրականացվող ծրագրերը: