ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Վրաստանի ծովափնյա Չակվի քաղաքի երկաթուղային կայանի մոտ Բաթումի-Երևան երթուղին իրականացնող գնացքը հարվածել է զբոսաշրջիկին:
«Արմենպրես»-ի հաղորդմամբ՝ այս մասին հայտնում է վրացական apsny.ge կայքը:
Վրաստանի արտաքին գործերի նախարարության տվյալներով՝ դժբախտ պատահարի զոհ է դարձել 41-ամյա օտարերկրացի մի տղամարդ:
Դեպքի վայր է ժամանել Քոբուլեթիի շտապօգնությունը, սակայն տղամարդը տեղում մահացել էր:
Դեպքի առթիվ երկաթուղային տրանսպորտի շահագործման կամ անվտանգության կանոնները խախտելու արդյունքում մարդու մահ պատճառելու մասին հոդվածով հարուցվել է քրեական գործ: