1 րոպեի ընթերցում
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ: Երևանում շարունակվող Եվրոպայի մինչև 19 տարեկանների առաջնությունում կկայանա B խմբի երկու հանդիպում:
«Արմենպրես»-ի հաղորդմամբ` Ֆուտբոլի ակադեմիայի մարզադաշտում 18:45-ին Չեխիայի հավաքականը կմրցի Նորվեգիայի ընտրանու, իսկ 21:00-ին Իռլանդիան ուժերը կչափի Ֆրանսիայի հետ «Բանանց» մարզադաշտում:
B խմբի առաջատարը Ֆրանսիա հավաքականն է, որն ունի 3 միավոր, երկրորդ և երրորդ տեղերը կիսում են Իռլանդիայի և Նորվեգիայի ընտրանիները: Մրցաշարային աղյուսակը եզրափակում է Չեխիան՝ առանց միավորի: