Հայաստանի գերակա խնդիրներից է ԵՄ երկրների հետ վիզաների ազատականացման համար երկխոսության ճանապարհ բացելը

3 րոպեի ընթերցում

ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Հայաստանի համար գերակա խնդիր է Եվրամիության երկրների հետ վիզաների ազատականացման համար երկխոսության ճանապարհ բացելը: Այս առումով կարևոր է նաև Հայաստանի միգրացիոն ծառայության և այլ գերատեսչությունների ներկայացուցիչների կապը ԵՄ անդամ երկրների համապատասխան մասնագետների հետ: «Արմենպրես»-ի հաղորդմամբ` այս մասին ԱԺ եվրոպական ինտեգրման հարցերի և ֆինանսավարկային և բյուջետային հարցերի մշտական հանձնաժողովի համատեղ նիստում ասաց ՀՀ արտաքին գործերի նախարար Զոհրաբ Մնացականյանը:

«Լուսավոր Հայաստան» խմբակցության պատգամավոր Տարոն Սիմոնյանը նշեց, որ բազմիցս նշվում է, որ վիզաների ազատականացման շուրջ բանակցություններ պետք է սկսվեն պատեհ պահի, բայց կոնկրետ ժամկետ նշված չէ, նա խնդրեց նշել, թե հայկական կողմի գնահատականով այդ պատեհ պահը երբ է:

«Իհարկե դա բանակցային արդյունք է: Պատեհ մեր դեպքում նշանակում է այսօր, իրենց դեպքում այն պահից, երբ կկարողանանք համոզել անդամ պետություններին և հանձնաժողովին, որ այս գործընթացն անհրաժեշտ է սկսել: Մենք այդ առումով ունենք բավարար աջակցություն, բայց նաև ունենք բավարար ընդդիմություն այդ գործընթացը սկսելու համար: Մեր հիմնական գերակա խնդիրն այսօր երկխոսության ճանապարհը բացելն է` ի ցույց բերելով այն բոլոր գործառույթները, որոնք իրականացվել են Հայաստանում, և որ Հայաստանը պատրաստ է սկսել երկխոսությունը: Դրա համար պատեհ պահը մեզ համար այսօր է»,-ասաց Մնացականյանն ու նշեց, որ դեռևս ԵՄ անդամ երկրների գործընկերներին համոզում են, որ դա իրապես այսօր է:

Անդրադառնալով «Իմ քայլը» խմբակցության պատգամավոր Հայկ Կոնջորյանի` նույն թեմային առնչվող հարցին` Մնացականյանը նշեց, որ ամենակարևոր խնդիրը նաև այն է, որ մեր մասնագետները`միգրացիոն ծառայությունից, ոստիկանությունից, բոլոր այն գերատեսչություններից, որոնք անմիջական առնչություն ունեն հարցին, մշտական կապի մեջ լինեն իրենց եվրոպացի գործընկերների հետ: «Հայաստանի մասնագետները պետք է կապի մեջ լինեն, ուժեղացնեն կապը ԵՄ անդամ պետությունների համապատասխան մասնագետների հետ, ցույց տան երկրում իրականացվող արդյունավետ միգրացիոն քաղաքականությունը»,-նշեց նախարարը:

Հայերեն English Français Русский

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա