1 րոպեի ընթերցում
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: Արցախում ընթացող ConiFA-2019 (Անկախ ֆուտբոլային ասոցիացիաների կոնֆեդերացիա) Եվրոպայի առաջնության շրջանակներում Արցախի Հանրապետության հավաքականը կմրցի Չամերիայի ընտրանու հետ: «Արմենպրես»-ի փոխանցմամբ` հանդիպումը կկայանա հունիսի 3-ին, 18:00-ին Մարտունու մարզադաշտում:
Արցախի ընտրանին առաջին խաղում 3:2 հաշվով հաղթանակի է հասել Սապմիի հավաքականի նկատմամբ: Չամերիայի թիմը 3:1 հաշվով զիջել է Աբխազիայի ընտրանուն:
Մրցաշարին մասնակցող Արևմտյան Հայաստանի հավաքականը կմրցի Սեկեի լանդի, Սապմին` Աբխազիայի, իսկ Հարավային Օսիան` Պադանիայի հավաքականի հետ:
Ֆուտբոլի Եվրոպայի առաջնությունն անցկացվում է Արցախի մայրաքաղաք Ստեփանակերտում, Մարտունի, Մարտակերտ և Ասկերան քաղաքներում: