1 րոպեի ընթերցում
ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: Ավետիք Էլոյանը նշանակվել է ՀՀ փոխվարչապետ Տիգրան Ավինյանի խորհրդական:
«Արմենպրես»-ի հետ զրույցում այս մասին հայտնեց փոխվարչապետի խոսնակ Վահան Հունանյանը:
«Էլոյանը նշանակվել է այսօր՝ փետրվարի 18-ին: Նա, մասնավորապես, զբաղվելու է տարածքային զարգացման և ենթակառուցվածքների, քաղաքաշինության, կադաստրի և ներդրումային ծրագրերի հարցերով»,- նշեց Հունանյանը:
Նախորդ տարվա հունիսին Էլոյանը նշանակվել էր Քաղաքաշինության կոմիտեի նախագահի պաշտոնում: 2019-ի հունվարի 31-ին նա ազատվել էր այդ պաշտոնից: