1 րոպեի ընթերցում
ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: «Ալաշկերտը» հաղթանակով ավարտեց Անթալիայում ընթացող առաջին արտասահմանյան հավաքը:
«Արմենպրես»-ի հաղորդմամբ, երրորդ՝ վերջին ստուգողական խաղում թիմի մրցակիցն էր Ուկրաինայի Պրեմիեր լիգայում 6-7 հորիզոնականները բաժանող «Մարիուպոլը»: Արամ Ոսկանյանի գլխավորած թիմը վստահ հաղթանակ տարավ 2:0 հաշվով: Ալաշկերտցիների կազմում ստանդարտ իրավիճակների հնարամիտ խաղարկման արդյունքում առաջին խաղակեսում աչքի ընկան բրազիլացի հարձակվող Գլաուսիոն և սերբ պաշտպան Դանիել Ստոյկովիչը:
Հավաքի ընթացքում անցկացրած երեք ստուգողական հանդիպումներում թիմը տարավ երկու հաղթանակ, մեկ խաղ ավարտեց ոչ ոքի արդյունքով։