Արթուր Վանեցյանն անդրադարձել է ազգային առաջնությունում լեգեոնականների թվի սահմանափակման հարցին
1 րոպեի ընթերցում
ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Հայաստանի ֆուտբոլի ֆեդերացիայի նախագահ Արթուր Վանեցյանի կարծիքով, ֆեդերացիան պատրաստ է լինել բոլոր կարծիքները` ազգային առաջնությունում լեգեոնականների թվի սահմանափակման հարցի շուրջ:
«Ես կարծիք չեմ հայտնի լեգեոնականների թվի սահմանափակման վերաբերյալ: Միայն ուրախ եմ, որ նման մեծ քննարկում է առաջացել: Ֆուտբոլի ֆեդերացիան կլսենք բոլոր կարծիքները, և կընդունենք հավասարակշռված որոշում, որպեսզի որևէ մի կողմի չնեղացնենք»,-«Արմենպրես»-ի հաղորդմամբ` լրագրողների հետ զրույցում ասաց ՀՖՖ նախագահը:
Վերջին շրջանում լայնորեն քննարկվում է Հայաստանի առաջնությունում լեգեոնականների սահմանափակման հետ կապված հարցը: Որոշ գլխավոր մարզիչներ դեմ են դրան, ոմանք կարծում են, թե պետք է սահմանափակում լինի:
Հայաստանի ֆուտբոլի ֆեդերացիան նույնիսկ հատուկ հանձնախումբ է ստեղծել այս հարցի ուսումնասիրման համար, որտեղ ընդգրկված են ազգային ակումբների ներկայացուցիչներ: