1 րոպեի ընթերցում
ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Հայ ընթերցողի դատին հանձնվեց մարզական կյանքին վերաբերող հերթական բեսթսելերը` իտալացի լրագրող Լուկա Կայոլիի «Մեսսի. լեգենդ դարձած տղայի պատմությունը» գիրքը:
«Արմենպրես»-ի հաղորդմամբ` գիրքը հայերեն թարգմանել և հրատարակել է «Newmag» հրատարակչությունը: Այն թարգմանել է Լիանա Զաքարյանը, խմբագրել՝ Գնել Նալբանդյանը:
Գրքում ներկայացված են լեգենդար ֆուտբոլիստի անցած ուղին, դժվարությունները, մեծ նվաճումները, ծանր մանկությունը, ընտանեկան բարդ վիճակը, երբ նոր է սկսել ֆուտբոլ խաղալ:
«Մեսսիի մասին պատմող այս գիրքը դասական օրինակ է այն բանի, թե ինչպես է պետք գրել մարզիկի մասին»,- ներկայացնելով գիրքը՝ ասաց խմբագիր Գնել Նալբանդյանը:
Մինչ այս հրատարակչությունը ևս մեկ մարզական բեսթսելեր էր հրատարակել` «Ռոնալդու. կատարելության տենչով» գիրքը: