1 րոպեի ընթերցում
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Հայաստանի ֆուտբոլի ֆեդերացիան և «Երկրպագուների առաջին ճակատը» (ՖԱՖ) խորացնում են համագործակցությունը:
«Արմենպրես»-ի հաղորդմամբ` Հայոց բանակի կազմավորման 27-րդ տարեդարձի կապակցությամբ Հայաստանի ֆուտբոլի ֆեդերացիան, «Առաջին հայկական ճակատ» ֆան շարժման հետ համատեղ, հունվարի 28-ին՝ Իջևանի «Արնար» մարզադաշտում, անցկացրին ֆուտբոլային միջոցառում, որի շրջանակում միմյանց հետ մրցեցին ՊՆ ենթակայության տակ գտնվող Իջևանի զորամասի զինվորները և ՖԱՖ ուլտրասի ներկայացուցիչները: Հանդիպումն ընթացավ տոնական և ջերմ մթնոլորտում և ավարտվեց ոչ-ոքի՝ 2-2 հաշվով:
Հանդիպումից հետո ՀՖՖ ներկայացուցիչները զինվորներին նվերներ հանձնեցին: Միջոցառումից անմիջապես հետո ՖԱՖ-ականները զորամասի ֆիզկուլտուրայի գծով պատասխանատուի հետ շրջեցին զորամասում, զրուցեցին զինվորների հետ, ծանոթացան զորամասի առօրյային:
Միջոցառման մանրամասները՝ տեսանյութում: