2 րոպեի ընթերցում
ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Ամերիկահայ բժիշկները պատրաստակամություն են հայտնել իրենց անձնական փորձառությամբ օժանդակել Հայաստանում քաղցկեղի տարբեր տեսակների կանխարգելման գործին, ծրագրվող համակարգային բարեփոխումներին: «Արմենպրես»-ի հաղորդմամբ՝ ՀՀ առողջապահության նախարար Արսեն Թորոսյանն ընդունել է ամերիկահայ բժիշկներ Արմեն Աբուլյանին և Շանթ Շեխերդիմյանին:
Մասնագետները Հայաստանում են՝ իրենց ներդրումն ունենալու առողջապահական համակարգի առաջիկա փոփոխություններում և ներգրավվելու որոշ ծրագրերում: Քննարկվել են սպասվող ու անհրաժեշտ որոշ համակարգային ծրագրեր: Նախարար Թորոսյանը շեշտել է Հայաստանումքաղցկեղիմի շարք տեսակների վաղ կանխարգելման անհրաժեշտությունը՝ մտահոգիչ վիճակագրական միտումները փոփոխելու նպատակով:
Առաջիկայում կներդրվի հաստ աղու քաղցկեղիսքրինինգայինծրագիր: Վիրաբույժ, Կալիֆոռնիայի «Կայզեր Պերմանենթ» բժշկական միության անդամ Արմեն Աբուլյանը պատրաստակամություն է հայտնել իր անձնական փորձառությունը և գիտելիքները ներդնել փոփոխությունների ժամանակ:
Կալիֆոռնիայի համալսարանի դասախոս, վիրաբույժ Շանթ Շեխերդիմյանն իր և ամերիկաբնակ իր գործընկերների անունից փոխանցել է, որ ցանկանում են ներգրավվել ծրագրվող համակարգային բարեփոխումներում: Անգամ պատրաստ են որոշ ժամանակով Հայաստան գալ ու մասնակցել քաղաքականության մշակմանը, որոշ խնդիրների լուծման ուղղությունների քննարկմանն ու փոխանցել իրենց բնակության երկրի հաջողված փորձը: