2 րոպեի ընթերցում
ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: Հինգշաբթին #ԿինոՇաբթի է: «Արմենպրես» լրատվական գործակալությունը շարունակում է ամեն հինգշաբթի ընթերցողին պատմել շաբաթվա կինոպրեմիերաների մասին: Մայիսի 3-ից երևանյան կինոթատրոններում հնարավոր կլինի դիտել 3 նոր ֆիլմ:
«Վրիժառուները. անվերջության պատերազմ»
Մինչ Վրիժառուները և նրանց համախոհները պաշտպանում են աշխարհը տարբեր վտանգներից, տիեզերքից գալիս է նոր սպառնալիք՝ Թանոսը։ Նա միջտիեզերական բռնապետ է, ում նպատակն է հավաքել բոլոր վեց Անվերջության քարերը: Անհավանական ուժի այս քարերի օգնությամբ, ըստ ցանկության, կարելի է փոխել իրականությունը։ Երկրի ճակատագիրը երբեք այսքան անորոշ չի եղել…
Ռեժիսորներ՝ Էնթոնի Ռուսո, Ջո Ռուսո, դերերում՝ Ռոբերտ Դաունի Կրտսեր, Բենեդիկտ Քամբերբատչ, Քրիս Փրաթ, Քրիս Էվանս և այլք:
«Շների կղզի»
Գործողությունները տեղի են ունենում ապագայի Ճապոնիայում: Ֆիլմը պատմում է 12-ամյա Աթարի Կոբայաշիի արկածների մասին: Քաղաքապետը հրամայում է քաղաքի բոլոր տնային շներին աքսորել Մեգասակի քաղաքի աղբանոց՝ շների գրիպի տարածման պատճառով: Աթարին որոշում է ճամփա ընկնել և ամեն գնով գտնել իր հավատարին ընկեր Սփոթսին:
Ռեժիսոր՝ Ուես Անդերսոն, դերերում՝ Բրայան Քրենսթոն, Էդվարդ Նորթոն, Բոբ Բելաբան և այլք:
«Սոբիբոր»
Ֆիլմը ոչնչացման անհոգի մեքենայի դեմ մարդկային ոգու դիմադրության պատմության մասին է: 1943 թ. հոկտեմբերին Կարմիր բանակի գեներալ-լեյտենանտ Ալեքսանդր Պեչերսկու գլխավորությամբ Սոբիբոր ճամբարի բանտարկյալները ապստամբություն են բարձրացնում: Այն դառնում է նացիստական մահվան ճամբարի միակ հաջողակ ապստամբությունը…
Ռեժիսոր՝ Կոնստանտին Խաբենսկի, դերերում՝ Կոնստանտին Խաբենսկի, Կրիստոֆեր Լամբերտ, Ֆիլիպ Ռեինհարթ և այլք:
Տեղեկացնենք, որ #ԿինոՇաբթի նախագիծը պատրաստվել է «Մոսկվա», «Սինեմա Սթար», «Կինոպարկ» կինոթատրոնների տրամադրած տվյալներով:
Նախագծի հեղինակ՝ Ռոզա Գրիգորյան