Վրաստանը եւ Իսրայելն անցնում են ռազմական համագործակցության նոր մակարդակի

ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: Թել Ավիվում Վրաստանի եւ Իսրայելի պաշտպանության նախարարներ Լեւան Իզորիան եւ Ավիգդոր Լիբերմանն ստորագրել են փոխըմբռնման հուշագիր, որը նախատեսում Է պաշտպանության ոլորտում երկու երկրների միջեւ համագործակցության խորացում:

Այդ մասին, ինչպես հաղորդել Է Sputnik-ը, ասված Է նախարարության կայքում զետեղված հաղորդագրության մեջ, տեղեկացնում Է «Արմենպրես»-ը:

Իզորիան պաշտոնական այցով Թել Ավիվ Է մեկնել մայիսի 1-ին: Նա արդեն բանակցություններ Է վարել իսրայելացի պաշտոնակցի հետ, ինչպես նաեւ այցելել Է Իսրայելի Ազգային անվտանգության հետազոտության ինստիտուտ (INSS): Այցի շրջանակներում Իզորիան պատրաստվում Է հանդիպել Իսրայելի Ազգային անվտանգության խորհրդի քարտուղար Մեիր Բեն Շաբաթի հետ, ինչպես նաեւ Երուսաղեմում այցելել Հոլոքոստի զոհերի թանգարան: