1 րոպեի ընթերցում
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Կարատեի WSF վարկածով աշխարհի իններորդ առաջնությունում Հայաստանի ներկայացուցիչ Կամո Ունանյանը նվաճել է աշխարհի չեմպիոնի կոչումը:
«Արմենպրես»-ի հաղորդմամբ` Թուրքիայի Ստամբուլ քաղաքում կայացավ կարատեի WSF վարկածով աշխարհի իններորդ առաջնությունը: Այս առաջնությանը մասնակցում էին 45 երկրի մարզիկներ, և նրանց թվում՝ աշխարհի և Եվրոպայի չեմպիոն մեր հայրենակից Կամո Ունանյանը: Մարզիկը ունեցավ չորս մենամարտ` Ռումինիայի, Ադրբեջանի, Իրանի, Բուլղարիայի ներկայացուցիչների հետ: