398.74
Մանվել Գրիգորյանի համար վարչապետի միակ թեկնածուն Սերժ Սարգսյանն է
1 րոպեի ընթերցում
ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: Երկրապահ կամավորական միության ղեկավար, ՀՀԿ խմբակցության պատգամավոր Մանվել Գրիգորյանը որպես Հայաստանի վարչապետի միակ թեկնածու տեսնում է Սերժ Սարգսյանին: «Արմենպրես»-ի հաղորդմամբ՝ Ծիծեռնակաբերդի հուշահամալիրում լրագրողների հետ զրույցում Մանվել Գրիգորյանն ասաց, որ Սերժ Սարգսյանն անփոխարինելի է իր գործով եւ գիտակցությամբ: «Եթե որևէ մեկդ մտածում է, որ իրենից ավելի խելացի եւ հայ ազգի համար ժողովրդավարություն ցանկացող մարդ կա, ապա սխալվում է: Նա միշտ նվիրված է եղել մեր երկրին, պետությանը: Նա անցել է ամեն ինչի միջով: Նա այս երկրի համար ամեն տեսակի ծառայություն մատուցել է` շարքայինից մինչեւ նախագահ»,- ասաց Գրիգորյանը:
Անդրադառնալով վարչապետի թեկնածուի պաշտոնում վարչապետ Կարեն Կարապետյանի հնարավոր առաջադրմանը՝ Մանվել Գրիգորյանն ասաց, որ նա լավ վարչապետ է, սակայն Արցախի հարցով Սերժ Սարգսյանն անփոխարինելի է: «Այս պահին ես ուրիշ թեկնածու չեմ տեսնում»,-հավելեց նա:
Բաժանորդագրվեք մեր ալիքին Telegram-ում